Оқушылардың 85%-дан астамы жазғы демалыс және сауықтырумен қамтылды

Биыл еліміздегі 1-10 сынып оқушыларының 85% астамы жазғы лагерьлерде демалып, сауықтыру шараларын қабылдады, деп хабарлайды El.kz ақпараттық агенттігі.

Оқу-ағарту министрлігінің мәліметінше, оқушылардың 85%, яғни 2 млн 800 мың бала жазғы демалыспен қамтылған. Оның ішінде жекелеген санаттағы 500 мың оқушы бар. Олар ата-анасының қамқорлығынсыз қалған, аз қамтылған және көп балалы отбасы балалары, экологиялық қолайсыз аудандарда тұратын ерекше білім беру қажеттіліктері бар балалар мен оқу үздіктері.

Елімізде 218 қала сыртындағы, 10 мыңнан астам мектеп жанындағы, бейінді және шатырлы лагерьлер балаларды қабылдады. Сонымен қатар 1,5 млн-ға жуық оқушы жазғы уақытын тиімді пайдалану үшін, елімізде 11 мыңнан астам арнайы ғылыми-техникалық, музыкалық, көркемдік, экологиялық, туристік және басқа да бағыттардың үйірмелері мен секциялары жұмыс істейді, - делінген мәліметте.