Олжас Бектенов Пасха мерекесімен құттықтады

Қазақстан премьер-министрі Олжас Бектенов Пасха мерекесімен құттықтады, деп хабарлайды El.kz ақпарат агенттігі. 

Құрметті қазақстандықтар!

Сіздерді Пасха мерекесімен шын жүректен құттықтаймын!

Бұл күн – ұлтаралық татулық пен этносаралық келісім үйлесім тапқан біздің еліміз үшін де ерекше мейрам.

Халқымыздың ауызбіршілігі, ұлт пен ұлыстың және түрлі дін өкілдерінің өзара сыйластығы — тәуелсіз мемлекетіміздің ең үлкен байлығы. Осынау рухани кемел құндылықтарды ұлықтай білген қазақстандықтар әрдайым бір-бірін мейірімге, шынайы бауырластыққа, ізгі қадамдарға үндейді.

Қуанышты күні шаңырақтарыңыз шаттыққа толсын.

Еліміздің барша православ христиандарына және отандастарымызға зор денсаулық, бақытты ғұмыр, толайым табыс тілеймін!