Олимпиада-2024: Геннадий Головкин қазақстандық спортшыларға сәттілік тіледі

Париждегі Олимпиада ойындарының ашылуы қарсаңында Спорт және туризм министрі Ермек Маржықпаев пен Ұлттық Олимпиада комитетінің басшысы Геннадий Головкин олимпиадалық ауылға барып, спортшылармен кездесті, деп хабарлайды El.kz ақпарат агенттігі. 

Министр мен ҰОК басшысы спортшыларға сәттілік тілеп, алдағы Олимпиадада табысты өнер көрсетуге тілектестік білдірді.

Айта кетейік, Париж Олимпиадасына спорттың 25 түрінен қазақстандық 80 спортшы жолдама алды. Ойынның ашылу салтанаты 26 шілдеде өтеді.

Біздің спортшылар үшін алғашқы бәсеке бүгін басталды. Яғни, садақ атушылар іріктеуден өтті.