Найзағай, жел, бұршақ: Ел бойынша дауылды ескерту жарияланды

«Қазгидромет» РМК деректері бойынша 2025 жылғы 13–15 маусым аралығындағы Қазақстан бойынша дауылды ескерту жарияланды, деп хабарлайды El.kz интернет порталы.

Ел бойынша негізгі қауіптер:

- найзағай, дауыл, бұршақ;
- қатты ыстық (38°C-қа дейін);
- жел екпіні 15–20 м/с дейін;
- кей аймақтарда тұман (әсіресе түнде және таңертең).

Сонымен қатар, өңірлердің басым көпшілігінде жоғары және төтенше өрт қауіпі күтіледі. Ауа райы болжамы туралы толығырақ "Қазгидромет" РМК ресми сайтынан танысуға болады.

Ауа райына байланысты ТЖМ бірқатар кеңес ұсынды:
қатты ыстық пен жел кезінде орманға немесе далаға барудан аулақ болыңыз;
найзағай кезінде ағаш астында тұрмаңыз, көшеде электроқұрылғыларды пайдаланбаңыз;
от жақпаңыз, жанғыш заттарды күн астында қалдырмаңыз;
ауа райы нашарлағанда — үйде болғаныңыз абзал.