«Нағыз батыр»: курьер туралы видео желі қолданушыларын тәнті етті

Жылдам тамақтанатын орындардың бірінде түсірілген видео әлеуметтік желіде кеңінен тарады, деп хабарлайды El.kz ақпарат агенттігі.

Автор денсаулығына қатысты мәселелерге қарамастан тамақ жеткізіп берумен айналысып, сол арқылы қаржы тауып жүрген курьерді видеоға түсіріп алған.  

Автордың сөзіне қарағанда, ол жігітті видеоға Алматыдағы көшелердің бірінде түсіріп алған. Ал бейнероликті 900 мыңнан астам адам көріп үлгерді. Желі қолданушылары ер азаматтың еңбекқорлығы мен қайсарлығына тәнті болып, өзгелер де үлгі алуы керек деген пікір қалдыруда.

«Нағыз ер азамат», «Ал сен әлі себеп іздеп отырсың ба?», «Бәрі жақсы болса екен», «Денсаулығы жақсарса екен», «Жұмысы өте қиын», «Арам жолмен ақша тауып жүргендерге және оңай ақша тапқысы келетіндерге үлгі болсын», «Мен бұл жігітті білемін, өте жақсы жігіт, анасына көмектесіп жүр», «Нағыз батыр», «Ештеңе істегісі келмейтіндерге үлгі», - деп жазған оқырмандар.

@iamerbol.com

Просто мужик!

♬ оригинальный звук - Ербол Алипов

Желі қолданушылары курьердің еңбекқорлығы мен жауапкершілігін жоғары бағалап, оған көлік сатып алуға ақша жинау туралы да ұсыныс тастаған.