Министрлік оқушыларға ескерту жасады

Оқу-ағарту министрлігі мектеп оқушыларына арналған ресми ескерту жариялады. Бұл туралы ведомствоның ресми Telegram-арнасында хабарланды, деп жазады El.kz интернет порталы.

Назар аударыңыздар, балалар! Қауіпсіздікке қатысты әзілге бейжай қарамаңыздар. Соңғы уақытта кейбір оқушылар терроризм туралы қалжыңдап, жалған ақпарат таратып жүрген жағдайлар жиілеп кетті. Мұндай әрекет – өте қауіпті және заң бойынша жауапкершілікке әкелуі мүмкін. Бұл үшін айыппұл салынуы, түзету жұмыстарына тартылуы немесе одан да қатаң шаралар қолданылуы мүмкін, – делінген министрлік хабарламасында.

Министрлік атап өткендей, қауіпсіздік тақырыбындағы жалған мәліметтер мен әзілдер жай қателік емес, заң бұзушылық болып саналады.

Егер сен әлі кәмелет жасына толмаған болсаң, онда жауапкершілік сенің ата-анаңа жүктеледі. Сондықтан әр ісіңнің салдарын алдын ала ойлан. Қауіпсіздік – бәріміз үшін маңызды! – деп ескертті Оқу-ағарту министрлігі.