Месси карьерасын АҚШ-та жалғастыруы мүмкін

Marca басылымының мәліметінше, «Интер Майами» аргентиналық шабуылшы Лионель Мессиді қатарына қосуға бел буған, деп хабарлайды El.kz ақпараттық агенттігі. 

Дереккөз «Интер Майами» Мессиге ресми түрде үш жылдық келісімшарт ұсынғанын айтады. Егер келіссөз жүзеге асса, Мксси лигадағы ең табысты ойыншы атанады. Дегенмен Мессидің «Барселонаға» оралуы немесе Сауд Арабиясының клубына баруы мүмкін екені де жоққа шығарылмайды.

Аргентиналық шабуылшы Париж клубының сапында 2021 жылдан бастап өнер көрсетті.

Француздың «Пари Сен-Жермен» клубы  ресми сайтында аргентиналық шабуылшы Лионель Мессидің кететінін жариялады.

Клуб Леоға алдағы карьерасында зор табыс тілейді, - делінген ПСЖ-ның мәлімдемесінде.

35 жастағы аргентиналықтың париждіктермен келісімшарты маусымның соңында аяқталады.

Мен ПСЖ сапында өнер көрсету мүмкіндігіне ие болғаныма өте қуаныштымын. Бұл командада әлемнің үздік ойыншыларымен ойнаудан үлкен рахат алдым. Клубқа керемет тәжірибе үшін алғыс айтқым келеді, - деп келтіреді Мессидің сөзін ESPN.