Менингиттен қалай қорғану керек? Дәрігер кеңес берді

Менингит әлі де қауіпті дерт, деп хабарлайды El.kz интернет порталы.

Дәрігер-иммунолог Владимир Болибок бұл ауруды не қоздыруы мүмкін екенін айтты.

Менингит – ми қабығының қабынуы. Оны менингококк немесе гемофиль таяқшасы қоздыруы мүмкін, – деп түсіндірді маман.

Дәрігердің айтуынша, менингококк пен гемофиль таяқшасына қарсы екпелер бар. Сондай-ақ гемофиль таяқшасы туындататын менингитке қарсы вакцинацияны ресми екпе күнтізбесіне енгізу жоспарда бар.

Болибоктың сөзінше, басты қауіп – аурудың белгілері байқалмайтын бактерия тасымалдаушыларда.

Мұндай адам өзі ауырмайды, бірақ микроб оның мұрнында өмір сүріп, басқаларға жұғады. Бұл – ауа арқылы берілетін тыныс жолдарының инфекциясы, – деді ол.

Маманның айтуынша, менингитті емдеуде антибиотиктер қолданылады. Ал аурудың алдын алудың ең тиімді тәсілдерінің бірі – вакцинация.