Мемлекет басшысы Путинді Ақордада қарсы алды

 Ақордада Қазақстанға ресми сапармен келген Ресей президенті Владимир Путинді салтанатты қарсы алу рәсімі өтті, деп хабарлайды El.kz ақпарат агенттігі.

©El.kz/Арман МҰХАТОВ

Дәстүрге сай президент резиденциясы залында жоғары деңгейдегі қонақты қарсы алу үшін Құрмет қарауылы сап түзеді.

©El.kz/Арман МҰХАТОВ

Сапар барысында екі ел басшылары келіссөз жүргізіп, Қазақстан мен Ресей арасындағы стратегиялық серіктестіктің өзекті мәселелерін талқыламақ.

©El.kz/Арман МҰХАТОВ

Бұдан бөлек екі ел басшылары Қостанайда өтетін Қазақстан мен Ресейдің XIX Өңіраралық ынтымақтастық форумына бейнебайланыс режимінде қатысады.

©El.kz/Арман МҰХАТОВ

©El.kz/Арман МҰХАТОВ

Айта кетейік, бүгін Ресей президенті Владимир Путин елімізге ресми сапармен келді. Мемлекет басшысы Қасым-Жомарт Тоқаев шетелдік әріптесін елорда әуежайында қарсы алды.

Қазақстан мен Ресей арасындағы тауар айналымы биылғы сегіз айда 17 миллиард долларға жеткен. Бұл 2022 жылғы қаңтар-тамыздағы мәміле көлемінен 1,1% пайызға артық.