Мектепке еден жуушының аты берілді

АҚШ-тың Миссури штатындағы мектеп өзінің 64 жастағы қызметкері - ұзақ жылдар бойы еңбек еткен еден жуушы Клодин Уилсонның құрметіне жаңа атау алды, деп хабарлайды El.kz интернет порталы.

Клодин Уилсон бұл мектепте 30 жылдан астам уақыт жұмыс істеген. Ол тек тазалық жұмыстарын ғана емес, сонымен қатар сантехник, мектеп автобусының жүргізушісі сияқты міндеттерді де атқарып келген.

Мектеп директоры Чак Бореннің айтуынша, Уилсон оқушылар үшін ерекше тұлға болған:

«Балалар қиындыққа тап болғанда, ең алдымен оған жүгінетін. Ол бәріне қолдау көрсетті», — дейді директор.

Өзіне көрсетілген зор құрметке қарамастан, Клодин Уилсон қарапайым қалып танытып, ең басты марапаты — балалармен күнделікті қарым-қатынасы екенін айтты.