Мәйіттерді жуады: Иранда хиджаб кимеген әйелдер қайта жазалана бастады

Иран қалаларының көшелеріне «Бақылаушы патруль» оралды, олар әйелдердің киім киісін бақылайды, деп хабарлайды El.kz ақпарат агенттігі.

Хиджаб кимеген әйелдерге айыппұл салынып, тіпті абақтыға қамалуы мүмкін.  

Оқи отырыңыз:

• Компьютерде жұмыс істегенде, көзді қалай қорғау керек
• Сирия астанасында жойқын жарылыс болды

Иран ІІМ өкілі Саид Монтазеролмахдидің сөзіне қарағанда, «Бақылаушы патруль» «ислам дресс-кодын сақтамайтындарды анықтап, оларға ескерту жасап және жазаға тартуды қайта жалғастырады». Ал жаза ретінде ішкі істер органдарының еденін, тіпті мәйітханаларда қайтыс болған адамдардың денелерін жуу да қолданылады, келіспеген жағдайда олар абақтыға жабылады.

Естеріңізде болса, Махсы Амини есімді жас келіншектің өлімінен соң жаппай ереуіл болып, бұл қызметтің жұмысы уақытша тоқтатылған. Ол былтыр қыркүйекте хиджабты дұрыс кимегені үшін ұсталып, соққыдан көз жұмған. Билік өкілдері оның өліміне жүрек талмасы себеп дегенді айтып келеді.