Маңғыстауда аққулардың өлексесі табылды

Маңғыстау облысының Экология департаментінің мамандары аққулардың өлексесінің табылуына байланысты судан сынама алды, деп хабарлайды El.kz ақпарат агенттігі.

Маңғыстау облысының Экология департаменті теңіз жағалауындағы 4А шағын ауданында аққулардың өлекселері табылғанын мәлімдеді.

Осыған байланысты 3 сәуір күні Экология департаментінің мамандары теңіз суынан сынама алды.

Нәтижелері қосымша жарияланады, – деп хабарлады ведомство.

Әлеуметтік желілерде Ақтау тұрғындары қалалық жағалау бойында өлген немесе әлсіреген аққулардың жиі кездесетінін жазып жатыр

Кейбіреулер ветеринарларға жүгінгендерін айтқан, бірақ, өкінішке қарай, құстарды құтқару мүмкін болмады.