Маңғыстау облысының әкімі өзін қорғайтын оққағарларының санын атады

Әлеуметтік желіде Маңғыстау облысының әкімі Нұрдәулет Қилыбайдың “Оққағарым бар” деп журналист сұрағына берген жауабы кеңінен талқыланып жатыр, деп хабарлайды El.kz ақпарат агенттігі otpannews.kz-ке сілтеме жасап. 

Онда аймақ басшысы журналистің “Сіздің оққағарыңыз бар ма?” деген сұрағына жауап берген.

Оққағарым бар. Бірақ ол сізге көрінбейді. Маған да көрінбейді. 362 оққағарым бар. Егер сіздің ниетіңіз дұрыс болса, ол бәрімізді күзетеді, - деп жауап берді облыс әкімі.Желіде оқырмандар әкімді қолдап, оның жауабына ризашылықтарын білдірген.

“Маңғыстаудың 362 әулиесі қорғайды деп керемет жауап берді”, “Базар жоқ, түсінген адамға әдемі жауап” деген сыңайда түрлі пікірлерін жазып қалдырған.