Мамандар күзде жаңғақ жеудің пайдасын айтты

Күз мезгілінде жаңғақтың пайдасы ерекше артады: ол қолжетімді әрі Омега-3 май қышқылдарына, Е дәруменіне, магнийге, калийге және антиоксиданттарға бай. Сарапшылардың мәліметінше, жаңғақ иммунитетті күшейтеді, жүрекке пайдалы және мидың жұмысын жақсартады, деп хабарлайды El.kz интернет порталы.

Жаңғақтар қандағы холестерин деңгейін реттеп, жүрек-қан тамыр ауруларының алдын алады, сондай-ақ құрамындағы мелатониннің арқасында ұйқыны жақсартады. Ал жасыл жаңғақтардың қабынуға қарсы әсері бар: олар буындарға көмектеседі, тері мен шашты қорғайды.

Джордж Вашингтон университетінде жүргізілген және 2025 жылдың тамызында Nutrients журналында жарияланған зерттеулерге сәйкес, жаңғақты жүйелі түрде тұтыну инфаркт қаупін 15%-ға төмендетеді және 60 жастан асқан адамдардың жадын 10%-ға жақсартады. Дегенмен диетологтар норманы сақтауды ескертеді: күніне 3-5 дән (шамамен 30 грамм). Себебі артық мөлшер асқорыту жүйесіне салмақ түсіріп, калорияның (100 граммда 654 ккал) көптігі салмақ қосудың себебіне айналуы мүмкін. Мамандар жаңғақты бал мен ірімшік қосылған таңғы асқа немесе жеміс салатына қосып жеуге кеңес береді.

Тосапқа жиі қолданылатын жасыл жаңғақ қабынуға қарсы қасиеті үшін ерекше бағаланады. Бұл әрі пайдалы өнім, - дейді диетолог Нигяр Гусейнова Trend News-ке берген сұхбатында.

Күзде грек жаңғағы суық тиюдің алдын алу мен миды қолдау үшін, әсіресе дәрумен жетіспеушілігі кезінде, таптырмас тағамға айналады.