Күн сәулесі көру қабілетіне қаншалықты зиян

Күн сәулесі көру қабілетіне зиян, деп хабарлайды El.kz  интернет порталы.

Бұл туралы офтальмолог Светлана Миргородская айтып берді.

Күнге тік қарау — көзге қайтымсыз зиян келтіруі мүмкін

Дәрігердің айтуынша, күн сәулесі көзді толығымен соқыр ете алмаса да, көру қабілетін едәуір нашарлатуы мүмкін. Күннің күшті жарығы көздің тор қабығындағы фоторецепторлар мен пигментті эпителийді зақымдайды, бұл кей жағдайда қайтымсыз өзгерістерге алып келеді.

Күнге тік қарау, әсіресе көзілдіріксіз — көру жүйесіне қауіпті. Тор қабық зақымдануы — көрудің нашарлауына себеп болады, — дейді офтальмолог.

Күн тұтылуы — ерекше қауіп кезеңі

Светлана Миргородская күн тұтылу кезінде көзге төнетін қауіптің артатынын атап өтті. Мұндай кезеңдерде офтальмолог мамандарға жүгінетін науқастар саны күрт артады.

Ультракүлгін сәуле түрлері және олардың қаупі

Күн сәулесінің құрамындағы ультракүлгін сәулелер (УК) – көзге көрінбейтін, бірақ өте қауіпті электромагниттік сәулелер. Олар 100-400 нм диапазонында үш түрге бөлінеді:

• С-толқынды сәулелер – озон қабаты арқылы өтпейтіндіктен, адамға қауіпсіз;
• В-толқынды сәулелер – тор қабық пен көздің шырышты қабығына күйік түсіруі мүмкін, птеригиум (конъюнктиваның өсуі) және кератоконус (қасаң қабықтың деформациясы) ауруларын туғызады;
• А-толқынды сәулелер – хрусталик пен тор қабыққа әсер етіп, катаракта мен макулодистрофия сияқты ауыр көз ауруларына себеп болады.

Оқи отырыңыздар:

• Алдағы күндері 37 градус ыстық күтіледі
• Ыстық күнде қандай тағамдарды жеуге болмайды?

Қандай көзілдірікті таңдау керек?

Маманның айтуынша, күннен қорғайтын көзілдірік тағу — көру қабілетін сақтаудың қарапайым әрі тиімді жолы. Бірақ көзілдірікті таңдағанда оның ультракүлгін сәулелерден қорғайтын сүзгісі (UV фильтр) бар-жоғына мән беру қажет.

Көзілдіріктегі ультракүлгін сүзгі UV380-400 деңгейінде болуы керек. Бұл көрсеткіш көзді тиімді қорғай алады, — дейді офтальмолог Миргородская.