«Көп дәрі ішкен»: Тараздық әйел өз-өзіне қол салмақ болды

Таразда әйел азаматы өз-өзіне қол салмақ болды. Оқиға бүгін Ұлы дала шағын ауданындағы көпқабатты үй пәтерінде болған, деп хабарлайды El.kz ақпарат агенттігі.

Құтқарушыларға жергілікті тұрғынның суицидке оқталмақ болғаны туралы хабарлама сағат 16:17-де келіп түскен. Қоңырау шалушы адамның айтуынша, әйел шамадан тыс мөлшерде дәрі-дәрмек ішкен.

Шақырту бойынша мекенжайға жедел-құтқару жасағаның құтқарушылары шұғыл жетті. Олар альпинистік құралдардың көмегімен 5-қабаттың балконынан 4-қабатқа түсіп, терезе арқылы үйге кірген.

Пәтер ішінен ес-түссіз жатқан әйел табылған. Құтқарушылар оны жедел жәрдем қызметкерлеріне тапсырды.

Оқи отырыңыз:

• Ақтауда суицид жасамақ болған адам іздестіріліп жатыр
• Қазақстанда 700 мыңнан астам адам депрессияда жүр