Көптеген жүргізушілер көлік жүргізгенде аяқ киімнің рөліне аса мән бере бермейді. Алайда дәл осы ұсақ көрінетін фактор жолдағы қауіпсіздікке тікелей әсер етуі мүмкін. Сарапшылардың пікірінше, дұрыс таңдалмаған аяқ киім апатқа әкелетін жағдайлардың біріне айналуы ықтимал.
Аяқ киім неге маңызды?
Көлік жүргізу кезінде аяқтың қозғалысы – басты басқару элементтерінің бірі. Газ, тежегіш педальдарын дәл әрі жылдам басу үшін аяқтың еркін қозғалып, жақсы бекітілуі қажет. Ал қолайсыз аяқ киім реакцияны баяулатып, педальдарды дұрыс сезінуге кедергі келтіреді.
Биік өкшелі аяқ киім
Әйелдер арасында кең таралған биік өкшелі туфлилер сәнді көрінгенімен, жүргізу кезінде үлкен қауіп тудырады. Зерттеулер көрсеткендей, мұндай аяқ киіммен көлік басқару мүмкін болғанымен, бірнеше минуттан кейін аяқ бұлшықеттері шаршап, реакция уақыты ұзартады. Сонымен қатар жіңішке өкше кілемшеге ілініп қалуы немесе тайып кетуі мүмкін. Бұл әсіресе шұғыл тежеу кезінде өте қауіпті.
Ашық аяқ киім (шәркей, бақай аралық шәркей, жағажай шәркейі немесе жеңіл резеңке шәркей)
Жаз мезгілінде жиі киілетін ашық аяқ киімдер де қауіпсіз емес. Олар аяққа дұрыс бекімейді, оңай шешіліп кетеді немесе педальдардың астына түсіп қалуы мүмкін. Еуропалық автоклубтардың зерттеулері көрсеткендей, мұндай аяқ киіммен жүргізушілер шұғыл жағдайда тежегішті уақытында баса алмайды. Кейбір елдерде бұл үшін айыппұл да қарастырылған.
Қазақстан мен Ресейдегі жағдай
Қазақстан мен Ресей заңнамасында белгілі бір аяқ киімге тікелей тыйым салынбаған. Дегенмен, жол-көлік оқиғасы дұрыс таңдалмаған аяқ киімнің салдарынан болса, жүргізуші толық жауапкершілікке тартылады. Яғни қауіпсіздік – әр адамның өз жауапкершілігі.
Қандай аяқ киім дұрыс?
Жүргізушіге ең қолайлы аяқ киім – табаны жұқа, икемді және таймайтын болуы керек. Өкшенің биіктігі 2,5-3 см-ден аспағаны жөн. Аяқ киім аяққа жақсы отырып, қозғалысты шектемеуі тиіс. Тым кең немесе ұзын тұмсықты аяқ киім педальдарды шатастырып басуға әкелуі мүмкін.
Пайдалы кеңес
Көлігіңізде арнайы жүргізуге арналған аяқ киім сақтаған дұрыс. Мысалы, жеңіл кроссовкалар, кедалар немесе жұмсақ мокасиндер. Ауыстыруға небәрі бірнеше секунд кетеді, бірақ бұл сіздің қауіпсіздігіңізді айтарлықтай арттырады.
Сонымен қатар ауыр берцтер, валенки, угги немесе қатты материалдан жасалған аяқ киімдер де жүргізуге қолайсыз – олар аяқтың сезімталдығын төмендетеді.
Көлік жүргізу кезінде қауіпсіздік тек жол ережелерін сақтаумен шектелмейді. Дұрыс аяқ киім таңдау – апаттың алдын алудың қарапайым, бірақ маңызды тәсілі.