Көкшетау қаласының 83 жастағы тұрғыны қазақстандық нөмір алды

Көкшетау қаласының 83 жастағы тұрғыны қазақстандық нөмір алды, деп хабарлайды El.kz ақпараттық агенттігі. Бұл туралы polisia.kz сайты мәлімдеді.

1 ақпан зейнеткер Алла Волкова ВАЗ 2107 автокөлігін заңдастыру үшін мамандандырылған ХҚКО-ға жүгінген. Көліктің РФ-дағы есептен шығарылмағаны белгілі болды.

Зейнеткер қызымен бірге көрші мемлекетке барып, автокөлікті есептен шығарып, 4 ақпан күні қайтадан ХҚКО-ға жүгінді.

Өтініш берген сәттен бастап қазақстандық нөмірді алғанға дейінгі уақыт бір сағаттан аспады.

Тәртіп сақшылары әйелдерге нөмірді көлікке қоюға көмектесті. Ақмолалықтар полицейлерге алғыс білдіріп, оларға денсаулық пен жұмыстарына табыс тіледі.