Каспий теңізіне үрмелі матраспен шығып, жоғалған қыздар аман табылды

Каспий теңізіне үрлемелі матраспен шығып, жоғалған үш қызды іздеу жұмыстары аяқталды, деп хабарлайды Еl.kz ақпарат агенттігі.

Өңірлік төтенше жағдайлар департаментінің мәліметінше, жоғалған қыздар 25 шілде күні таңертең табылған.

Оқи отырыңыз:

• Атырауда рестобар күзетшілері қызды жабылып соққыға жыққан
• Жолға бөлінген қаржыны жымқырған шенеунік қамауға алынды

"Бүгін таңғы сағат 6 шамасында "Қазақтеңізкөлікфлоты" компаниясының "Сұңқар" кемесінің экипажы жағадан 22 шақырым қашықтықта болған үш қызды құтқарды. Қазіргі таңда олардың денсаулық жағдайы тұрақты. Бойжеткендерге медициналық көмек көрсетілді" - деді Маңғыстау облысының төтенше жағдайлар департаментінен.

Осы орайда, Маңғыстау ТЖД қызметкерлері облыс тұрғындары мен қонақтарын судағы қауіпсіздік ережелерін сақтауға шақырады.

Айта кетейік, осыдан бұрын үш қыздың Каспий теңізіне үрлемелі матраспен шығып, жоғалып кеткендігі туралы хабарлаған болатынбыз.