Израиль шабуылы: Иранда 70-тен астам әйел мен бала көз жұмды

Израильдің соңғы үш шабуылы салдарынан 70-тен астам әйел мен бала қаза тапты. Бұл туралы Иранның Сыртқы істер министрлігіне сілтеме жасай отырып El.kz интернет порталы хабарлайды.

Иран Денсаулық сақтау министрлігінің мәліметінше, Израиль шабуылдарының жалпы құрбандарының саны 220-дан асты, олардың арасында 14 ядролық физик бар.

Сонымен қатар Израиль соққылары кезінде Ислам революциясы сақшылар корпусының (КСИР) барлау қызметінің басшысы Мухаммад Каземи мен оның орынбасары қаза тапқаны расталды.

Израиль тарапының мәлімдеуінше, соңғы үш күнде Иран аумағындағы 720-дан астам әскери нысанға соққы жасалды. Израиль Қорғаныс армиясының (ЦАХАЛ) баспасөз қызметі Ирандағы қару-жарақ өндіретін нысандарға бағытталған кең ауқымды шабуыл толқынын аяқтағанын хабарлады.