Иранда шаңды дауыл тұрып, мыңнан астам адам ауруханаға түсті

Иранның оңтүстік-шығысындағы Систан және Белуджистан провинцияларында шаңды дауыл тұрып, салдарынан мыңнан астам адам ауруханаға түсті, бір адам қайтыс болды, деп хабарлайды El.kz ақпарат агенттігі.

IRNA агенттігінің хабарлауынша, өткен аптада Систан мен Белуджистанда жел күшейіп, ұсақ шаң пайда болуына байланысты кемінде 1 191 адам медициналық көмекке жүгінген.

Оқи отырыңыз:

• 17 жастағы жігіттің өлімінен соң Францияда тәртіпсіздік басталды
• Әйгілі әнші Мадонна жансақтау бөлімінде жатыр

Бір адам тыныс алу проблемаларынан болған асқынудан қайтыс болды, – деді провинцияның апаттарға қарсы күрес басқармасының басшысы Меджид Мохибби.

Дәрігерлердің айтуынша, зардап шеккендердің басым бөлігі көру, тыныс алу және жүрек проблемаларына байланысты ем қабылдауға жүгінген.