Иран телевидениесі тікелей эфир кезінде атқыланды: оқиғаның видеосы тарады

Израиль Иран мемлекеттік телеарнасының бас кеңсесіне жаңалықтар шығарылымы кезінде соққы жасады. Бұл ақпаратты Ислам революциясының сақшылар корпусы растады, деп хабарлайды El.kz интернет порталы.

Израиль Иранның мемлекеттік телеарнасының штаб-пәтеріне шабуыл жасады. КСИР Telegram-арнасында жариялаған мәліметке сәйкес, бұл сәт тікелей эфир кезінде болған.

КСИР деректеріне қарағанда, тележүргізуші Сахар Эмами батылдық танытты. Видеода оның толқыған күйде жаңалықтарды жүргізіп жатқан сәті, кейін соққыдан кейін жарық сөніп, студия қирағаны көрінеді.

Кадр сыртында студия қызметкерлерінің дұға оқып жатқаны естіледі.

Кейін КСИР өкілдері жүргізушінің аман қалғанын және қайта эфирге шыққанын мәлімдеді. Сонымен қатар телеарна да хабар таратуды жалғастырған.