ІІМ балық шаруашылығы ретінде жасырылған есірткі бизнесін жойды

Алматы облысында аса ірі мөлшерде каннабис өсірумен айналысқан жасырын есірткі зертханасын анықтып, көзін жойды, деп хабарлайды El.kz ақпарат агенттігі.

Polisia.kz мәліметінше, балық шаруашылығының атын жамылған қылмыстық кәсіп Алматы облысының Байкен ауылында жүзеге асырылған.

Жедел-тергеу шараларының нәтижесінде заңсыз айналымнан құрамында есірткі бар өсімдіктердің бір жарым мыңнан астам бұтасы тәркіленді. Үш гектарлық заңсыз жылыжай ғимараттың жертөлесінде орналасқан, онда балық өндірілген. Тінту барысында 10 млн теңгеден астам ақша, жарықтандыру аспаптары, жылу шамдары, жылыту және желдету жүйелері, суаруға арналған заттар және есірткі өсіруге арналған басқа да жабдықтар тәркіленді, - делінген мәліметте.

Аталған факті бойынша қылмыстық іс қозғалды. 18 адам құрықталды. Есірткі өнімдерін одан әрі жеткізу арнасы анықталып жатыр.