IBA жеті елдің бокс федерациясын құрамынан шығарды

IBA Конституциясы мен мүшелік саясатына негізделген бұзушылықтар мен айыптауларға байланысты төрт ұлттық федерацияның IBA-дағы қызметі тоқтатылды. Олар заңсыз бокс ұйымының мүшелігінде болған, деп хабарлайды El.kz ақпарат агенттігі.

Жаңа Зеландия бокс қауымдастығы, неміс бокс қауымдастығы, Швеция бокс федерациясы және Нидерланд бокс федерациясы ережелерді бұзғаны үшін кінәлі деп танылып, IBA мүшелігінен шеттетілді.

Егер олар белгілі бір шарттарды орындаса, құқықтарын толық қалпына келтіре алады:

Ұлттық федерация IBA-ға басқа халықаралық бокс федерациясына қатысатын аффилирленген шенеуніктердің жоқтығын көрсетуі керек;

Ұлттық федерация IBA-ға өзінің кез келген басқа халықаралық бокс федерациясына қатысуын тоқтатқанын және болашақта мұндай федерацияларға қатыспайтынын растайтын жазбаша өтініш беруі керек;

Ұлттық федерация өзінің ресми сайтында баламалы Халықаралық бокс федерациясын құруға бағытталған кез келген әрекетті нақты айыптайтын мәлімдеме жариялауы керек.

Бұдан бөлек тағы үш федерацияның мүшелігі тоқтатылды: Чехия бокс қауымдастығы, Либерия бокс қауымдастығы және Экваторлық Гвинея бокс федерациясы. Бұл федерациялар IBA бас кеңсесіне жыл сайынғы есеп беруде қателіктер жіберген.