«Халық қатысатын бюджет» қызметі eGov Mobile қосымшасында пайда болды

«Халық қатысатын бюджет» қызметі енді eGov Mobile қосымшасы арқылы қолжетімді болмақ. Бұл туралы елорда әкімдігінің ресми сайтына сілтеме жасай отырып El.kz ақпарат агенттігі хабарлайды. 

Ұсынысты қалай беруге болады:

1. eGov Mobile қосымшасына кіріңіз;
2. Басты бетте «Қызметтер» блогына өту керек;
3. «Басқа қызметтер» батырмасын басыңыз;
4. Ашылған бетте тізімнен «Халық қатысатын бюджет» бөлімін таңдау керек;
5. Қажетті қаланы таңдаңыз;
6. Ары қарай «Ұсыныстарды жіберу» өрісін таңдау керек,

Алдыңызда сұраулар пайда болады, олардың кез келгенін басқан кезде қажетті ақпаратпен таныса аласыз;

7. «Ұсыныс жіберу» батырмасын басыңыз, содан кейін барлық қажетті орындарды толтырыңыз және файлдарды тіркеңіз;
8. Қатысу ережелерімен және танысу өрісіне қойыңыз
9. «Ұсыныс жіберу» батырмасын басыңыз. Ұсыныс жіберілгеннен кейін Сіздің өтініміңіз тіркеледі және оған нөмір беріледі.

Қалай дауыс беруге болады:

1. eGov Mobile қосымшасына кіріңіз;
2. «Халық қатысатын бюджет» сервисіне өтіңіз;
3. Сіз 2 жолмен дауыс бере аласыз:

3. 1. Жобалар тізімінің бетінде Сізге ұнаған жобадағы «ұнату» белгішесін басыңыз;

3. 2. Жоба бетіне өтіп, «Дауыс беру» түймесін басыңыз.

Ары қарай, сіздің дауысыңыз таңдалған жобадағы қазіргі есептегішке қосылады.

Пайдаланушы ХҚБ жобаларының бүкіл тізімінен тек бір жобаға дауыс бере алатынын ескеріңіз, сондықтан таңдау кезінде мұқият болу керек. Берілген дауысты жою мүмкін емес. Белгілі бір   жобаны іздеудің қарапайымдылығы үшін таңдалған критерийлер бойынша жобаларды көрсететін іріктеу бар.

Келесі кезеңде аудандық/қалалық әкімдік дауыс беру қорытындыларының хаттамасын қалыптастырады және порталға орналастырады. Осыдан кейін бюджеттік заңнамаға сәйкес жобалық ұсыныстарды іске асыру бойынша бюджеттік өтінімдер қалыптастырылады.

eGov Mobile қосымшасының өмірлік жағдайларында ХҚБ сервисімен толығырақ танысуға болады. Ол үшін сіз өмірлік жағдайларға өтіп, «Жылжымайтын мүлік» бөлімін таңдаңыз, содан кейін тізімнен «ХҚБ» – халық қатысатын бюджет туралы не білуіңіз керек?» таңдаңыз.