Францияда 16 жастағы велошабандоз жарыс кезінде көз жұмды

Францияның батысындағы Курсемон қаласында өткен веложарыста 16 жастағы Ноа Сартис мәреге санаулы шақырым қалғанда кенеттен қайтыс болды. Бұл туралы Le Parisien-ге сілтеме жасағай отырып El.kz интернет порталы хабарлайды.

Алдын ала мәлімет бойынша, жас спортшының жүрегі тоқтап қалған. Ол жолда құлап түскен, дәрігерлер жедел көмек көрсеткенімен, өмірін сақтап қала алмады.

Ұйымдастырушылар жасөспірімдер арасындағы (17 жасқа дейін) жарыстан кейін өтуі тиіс ересектер арасындағы веложарысты тоқтатты.

Ноа Сартис – әуесқой велошабандоздың ұлы. Тамыз айында ол Франция чемпионатына қатысып, жеке старттағы жарыста 13-орын, шосседегі жарыста 99-орын иеленген еді.