Meta компаниясына тиесілі Facebook пен Instagram желілері қайта іске қосылды. Бұл туралы желі қолданушылары жазуда, деп хабарлайды El.kz ақпарат агенттігі.
Еске салсақ, бүгін Қазақстан уақытымен кешкі сағат 20.30 шамасында әлем бойынша Facebook пен Instagram желілері істен шыққан болатын. Көп ұзамай Meta компаниясының өкілі Энди Стоун аталған әлеуметтік желілердің істен шығуына байланысты пікір білдіріп, олқылықты ретке келтіру бойынша жұмыстар жүргізіліп жатқанын хабарлады. Бұл туралы ол Twitter парақшасында жазды.