Есірткі қылмысы: ІІМ анонимді хабарламаларға арналған телефондарды жариялады

ІІМ Есірткі қылмысына қарсы іс-қимыл комитеті азаматтарға үндеу жасады, деп хабарлайды El.kz ақпарат агенттігі.

Polisia.kz мәліметінше, ІІМ Есірткі қылмысына қарсы іс-қимыл комитеті есірткі қылмыстарын, әсіресе кәмелетке толмағандарды тарту жағдайларын анықтау, жолын кесу және алдын алу бағытында бар күш-жігерін салып жұмыс жүргізуде.

Сіздерді бейжай қалмауға шақырамыз. Балалар мен жасөспірімдердің мінез-құлқындағы өзгерістерге назар аударыңыздар. Заңсыз сату бойынша күдік тудыратын интернет-ресурстарға, граффити мен кодтары бар жарнамаларға мән беріңіздер. Біз әр өңір бойынша кері байланыс үшін телефон нөмірлерін қалдырамыз. Сіз маңызды ақпаратты анонимді және қауіпсіз түрде хабарлай аласыз. Бұл қылмыстың алдын алып, біреудің өмірін құтқаруға көмектесуі мүмкін. Кәмелетке толмағандарды есірткі ортасына тартуды азайту — бәрімізге ортақ міндет, - деді ІІМ есірткі қылмысына қарсы іс-қимыл комитеті төрағасының міндетін атқарушы Данияр Мейірхан.