Ерке Есмахан сүйінші жаңалығын жеткізді

Қазақстандық шоу-бизнес өкілдері Ерке Есмахан мен Раимның отбасында тағы қуаныш болады, деп хабарлайды El.kz ақпарат агенттігі.

Әнші өзінің Instagram-дағы парақшасында үшінші баласына жүкті екенін жария етті. Өнер иесі жолдасы Райм мен екі ұлымен түскен суретті жариялап, көпшілікке сүйінші жаңалығын жеткізді. Фотода әншінің іші шығып қалғанын байқауға болады.

Сүйінші! Аллаға сансыз шүкір! Маған қазақтың санын, Райымбектің ұрпағын көбейту бұйырыпты. «Ерке Сотуардың» тілегі бірінші өзіме жұғысты болды ғой. Алла тіл-көзден сақтасын. Әр отбасында сәбидің күлкісі естілсін, - деп жазды Ерке Есмахан.