Елордада танымал суретші Амандос Ақанаевтың көрмесі ашылды

6 Қазан 2023, 19:30 893

Елордада танымал суретші Амандос Ақанаевтың көрмесі ашылды, деп хабарлайды El.kz ақпараттық агенттігі.

ҚР Ұлттық музейінде Қазақстан Республикасы Көркем академиясының президенті Амандос Әтібекұлы Ақанаевтың 75 жылдық мерейтойына орай «Амандос Ақанаевтың әлемі» көрмесінің салтанатты ашылу рәсімі өтті.

Ұйымдастырушылардың айтуынша, жалпы көрменің мақсаты – өзіндік жолы бар суретші Амандос Ақанаевтың шығармашылығын насихаттау.

Амандос Ақанаевтың шығармашылығы өзіндік стилімен, ұлттық нақышымен, заманауи техника түрлерінің үйлесімділігімен ерекшеленеді. Оның картиналарының әлемі – көшпенділер мәдениетінің ауқымды көркем шежіресі. Суретшінің туындылары елімізде де, шетелдерде де үлкен сүйіспеншілікке ие. Шебердің шығармаларында тарихи тақырыптар, мотивтер мен қазіргі заман бейнелері тоғысқан, - дейді Қазақстан Республикасы Көркем академиясы қызметкері.

Айта кетейік аталған көрмеге суретшінің 60-қа жуық туындысы қойылды.

Равиль Ашығали