Елорда халқының саны 24 жылда 4 есе өсті

1998 жылы ел астанасы атанған Ақмола қаласында 326 мың адам тұрған. Содан бері елдің бас қаласындағы тұрғындар саны төрт есеге жуық өсіп, қазір 1 262 мың адамды құрап отыр, деп хабарлайды El.kz Статистика комитетіне сілтеме жасап.

Астанада 24 жыл бұрынғыдай әйелдердің саны басым. Егер сол уақытта қалада 174 мың әйел және 152 мың ер адам тұрған болса, қазір әйелдер саны – 657 мың (52%), ерлер – 605 мың (48%). 

1998 жылы елордада 3 400 бала дүниеге келсе, 2021 жылы 31 мың бала туған, осылайша туу коэффициенті 11-ден 25,9-ға (мың адамға шаққанда) дейін өсті. 

1998 жылы қалада 48 жалпы білім беретін мектеп жұмыс істеген, 24 жылдан кейін олардың саны 147 бірлікке дейін өсті. 

Ал аурухана ұйымдарының саны 15-тен 45 бірлікке дейін артты.