Еліміздің екі облысында жолдар жабылды

QazAvtoJol ауа райының бұзылуына байланысты бірқатар жол жабылғанын мәлімдеді, деп хабарлайды El.kz ақпарат агенттігі.

Абай облысында ауа райының бұзылуына байланысты «Алматы-Өскемен» автожолының 683-967 шақырым аралығында (Таскескен ауылының шекарасынан Қалбатау ауылына дейін) жүк және жолаушы көліктердің қозғалысына шектеу қойылады. Жолды 2024 жылғы 11 қараша сағат 06:00–де ашу жоспарланған.

2024 жылғы 10 қарашада сағат 17:00–де ШҚО-да ауа райының бұзылуына байланысты келесі автожолдарда жүк және жолаушы көліктердің қозғалысына шектеу қойылады:

— «Алматы-Өскемен-Шемонаиха-РФ шекарасы» автожолының 1123-1191 шақырымы аралығы (Предгорное ауылынан Шемонаиха қаласына дейін);

— «Алматы-Өскемен-Шемонаиха-РФ шекарасы» автожолының 1194-1212 шақырымы аралығы (Шемонаиха қаласынан РФ шекарасына дейін); 

— «Өскемен-Риддер- РФ шекарасы» автожолының 15-105 шақырымы аралығы (Белоусовка ауылынан Риддер қаласына дейін).

Абай облысында ауа райының бұзылуына байланысты «Омбы-Майқапшағай» автожолының 910-1002 шақырым аралығында  (Қалбатау ауылынан Көкпекті ауылына дейін) жүк және жолаушы көліктердің қозғалысына шектеу қойылады.

Жолды 2024 жылғы 11 қараша сағат 06:00-де ашу жоспарланған.