Еліміздегі өлім-жітімнің басты себептері анықталды

Демографиялық мәселелерге арналған Сенаттағы Үкімет сағатында Әсем Рахметова аталмыш мәселені ортаға салды, деп хабарлайды El.kz ақпарат агенттігі.

Сенатор тәуелсіздіктің алғашқы жылдарында халықтың өлім-жітімі мен өмір сүру ұзақтығында айтарлықтай өзгеріс болғанын айтып өтті.

Орталық Азияның басқа елдерімен салыстырғанда Қазақстанда өлім-жітім деңгейінің жоғары көрсеткіштері байқалады. Еліміздегі өлім-жітімнің басты себептері қан айналым жүйесі ауруларынан (22,7%), қатерлі ісіктен (8,4%), жол-көлік апатынан (24,3%) және тыныс алу органдары ауруларынан (9,8%) деп көрсетіледі, - деді спикер.

Айта кету керек, бұл тізімде жасы толысқан азаматтардың отбасын құруына кедергі болатын репродуктивті денсаулығы, психо-эмоцияналдық жай-күйі тағы бар.