Елімізде 212 каналды цифрландыру жұмыстары жүргізіліп жатыр

Қазіргі уақытта су шаруашылығының проблемалық мәселелері «Жасыл Қазақстан», «Қуатты өңірлер – ел дамуының драйвері» және «Агроөнеркәсіптік кешенді 2025 жылға дейін дамыту бойынша» ұлттық жобалар шеңберінде шешілуде. Бұл туралы Су ресурстар комитетінің төраға орынбасары Досбол Бекмағамбетов  айтты, деп хабарлайды El.kz

«Ауыл шаруашылығында 7 мың километрден астам суару желілерін реконструкциялау, 212 каналдағы суды есепке алуды цифрландыру және 16 гидротехникалық құрылысты реконструкциялау арқылы 2025-ші жылға қарай суару кезіндегі нормативтік емес су шығындары 4 текше километрге қысқартылатын болады», - дейді Досбол Бекмағамбетов.

«Бүгінгі күні суару жүйесінде ұзындығы 21,5 мың км шамамен 3,5 мың магистральдық және шаруашылықаралық каналдар бар (16,3 мың км – жер арналары және бетон қаптамасымен 5,2 мың км), олардың 55% - ы (11,8 мың км) қанағаттанарлықсыз жағдайда. Бұл соңғы тұтынушыларға суды тасымалдау кезінде жоғары шығындардың негізгі себебі болып табылады», - дейді Су ресурстар комитетінің өкілі.