Елімізде 1543 ауыл таза сумен қамтылмаған

Бұл туралы «Қазақстанның су саласын дамыту перспективалары» атты  Мәжілісте өткен Парламенттік тыңдауда Мәжіліс төрағасы Қошанов айтты, деп хабарлайды El.kz Baq.kz-ке сілтеме жасап.

Мемлекет басшысы былтырғы Жолдауында бес жылда қалалар мен ауылдарды 100 пайыз ауызсумен қамту міндетін жүктеді. Бірақ әлі 1543 ауыл немесе 544 мың адам таза сумен қамтамасыз етілмеген. Демек бұл бағыттағы жұмысты әлі де күшейту керек, – деді ол.

Мәжіліс төрағасы сонымен қатар Біріккен Ұлттар Ұйымының бағалауы бойынша жер шарының әрбір бесінші тұрғыны судың тапшылығын көріп отырғанын айтып, халықаралық сарапшылардың тәжірибесімен бөлісті.

Халықаралық сарапшылардың айтуынша 2040 жылға қарай Қазақстанда су тұтыну 46 пайызға дейін артады. Ал су ресурстарының тапшылығы жылына 12 текше метрге жетуі мүмкін. Бұған әсер етуші факторлар жеткілікті: халық санының өсуі, экономиканың дамуындағы ерекшеліктер мен басқа себептер осы құбылысқа ықпал етуде. Әсіресе өнеркәсіптік және тұрмыстық секторда тұтыну жылдан жылға артып келе жатыр. Су ресурстары саласында проблемалық мәселелер жеткілікті,– деді Қошанов.