Елімізде үсік жүреді

Қазгидромет 7 мамырға арналған ауа райы болжамын ұсынды, деп хабарлайды El.kz ақпарат агенттігі.

Еліміздің басым бөлігінде атмосфералық фронтальді бөлімдердің өтуімен тұрақсыз ауа райы сақталады, найзағаймен жаңбыр жауады, елдің оңтүстік-батысында қатты жаңбыр жауып, бұршақ күтіледі.

Тек еліміздің батысында, шығысында, оңтүстігінде жауын-шашынсыз ауа райы болады. Республика бойынша желдің күшеюі күтілуде, солтүстік-батыста, шығыста – тұман, - деді «Қазгидромет» РМК баспасөз хатшысы Алина Исмагулова ОКҚ алаңында өткен брифингте.

Түнде Ақмола, Павлодар, Шығыс Қазақстан облыстарының шығысында, Қарағанды облысының солтүстік-шығысында, Абай облысында 1-3 градус үсік күтіледі, Солтүстік Қазақстан облысының шығысында топырақ бетінде 1 градус үсік күтіледі.

Атырау, Қарағанды, Ұлытау, Қызылорда, Ақтөбе, Түркістан, Абай облыстарында жоғары өрт қауіпі сақталады.

7-13 мамыр аралығында қар жамылғысының тұрақсыздығы мен биіктігінің жоғары болуына байланысты Үлкен және Кіші Алматы су алаптарында қар көшкіні қаупі сақталады. Көшкін жүру ықтималдығына байланысты, қарлы беткейлерге шығу ұсынылмайды.