Басты
Жаңалықтар
Спорт
Елена Рыбакина Уимблдонның жартылай финалына шықты

Елена Рыбакина Уимблдонның жартылай финалына шықты

Зарина Арман
Фото: Қазақстан теннис федерациясы

Әлемнің төртінші ракеткасы қазақстандық Елена Рыбакина Уимблдон турнирінің жартылай финалына шықты, деп хабарлайды El.kz ақпарат агенттігі.

Ширек финалда жерлесіміз әлемнің 21-ракеткасы украиналық Элина Свитолинаны ұтты - 6:3, 6:2. Матч 1 сағат 2 минутқа созылды.

Осылайша, өзара кездесулер бойынша Елена алға шықты - 3-2. Бұл Рыбакинаның Уимблдондағы 19-жеңісі.

Финал жолдамасына таласта Елена чехиялық Барбора Крейчиковамен кездеседі. Чех қызы әзірге WTA рейтингінде 32-орында тұр. Ол ширек финалда латвиялық Елена Остапенкодан басым түсті - 6:4, 7:6(4).

Тағы бір жартылай финалда әлемнің 37-ракеткасы хорватиялық Донна Векич пен Ролан Гаррос финалисі, әлемнің 7-ракеткасы италиялық Ясмине Паолини өзара кім мықтыны анықтайды.

Елена Рыбакина теннис Уимблдон
Қысқа да нұсқа. Жазылыңыз telegram - ға

Оқи отырыңыз

{