Елена Рыбакина айдың үздік ойыншысы атағына ұсынылды

RelevantTennis мәліметіне қарағанда, үміткерлер тізіміне төрт теннисші енген, деп хабарлайды El.kz ақпараттық агенттігі.

Атап айтқанда, әлемнің 7-ракеткасы, қазақстандық Елена Рыбакина, сондай-ақ румыниялық Сорана Кырстя (WTA рейтингісінде 41-орын), Беларусь өкілі Арина Соболенко (2-орын), чехиялық Петра Квитова (10-орын) айдың үздік ойыншысы атағынан үміткер.

Елена Рыбакина наурыз айында Индиан-Уэллс мастерс турнирінде чемпион атанғаны белгілі.Сондай-ақ 2 сәуірде аяқталған Майами мастерс жарысының финалына дейін жетті.

Теннисші 14-15 сәуірде Астанада Билли Джин Кинг кубогінің іріктеу кезеңі аясында өтетін Қазақстан – Польша матчына қатысып, ел намысын қорғайды.

Еске сала кетейік, бұдан бұрын Юлия Путинцеваның Чарльстонда әлемнің экс-үшінші ракеткасын жеңгенін жазған болатынбыз.
Сондай-ақ қазақстандық теннисшілер АҚШ-тағы жарыстың ширек финалына өтті.