«Денесін бөлшектеп, Ертіске лақтырып жіберген». Әйелін өлтірген ер адам сотталды

Павлодар облысының тұрғыны азаматтық некедегі әйелін өлтіріп, денесін Ертіс өзеніне лақтырып жіберген, деп хабарлайды EL.kz ақпарат агенттігі.

Оқиға 2022 жылғы 31 қазанда болған. Павлодар облысы қылмыстық істер жөніндегі мамандандырылған ауданаралық сотының баспасөз қызметінің мәліметінше, Тереңкөл ауылындағы пәтерде ер адам мен оның азаматтық әйелінің арасында көмір сатып алуға қалдырылған 36000 теңгені жұмсағаны үшін жанжал басталған. Жанжал барысында масаң күйде болған ер адам әйеліне бірнеше рет ауыр соққы жұмсап, мерт еткен. Қылмысын жасыру үшін денесін бөлшектеп, қапқа салып, Ертіс өзеніне лақтырған.

Оқи отырыңыз:

• «Мектепке барғым келмейді». Алматыда 6 сынып оқушысы мұғалімнен әбден таяқ жеген
• Жұмысшы пойыз астына түсіп мерт болды

Істің мән-жайын және сотталған адамның жеке басын ескере отырып, оған 11 жыл бас бостандығынан айыру жазасы тағайындалды. Үкім заңды күшіне енген жоқ.