Дәрігер іштің кебуін күшейтетін өнімдерді атады

Эндокринолог Франсиско Росеро іштің кебуі мен шамадан тыс газ түзілуін жеңілдету үшін нан өнімдері, сиыр сүті және қанттан бас тарту керектігін айтты, деп хабарлайды El.kz ақпарат агенттігі.

Бұл туралы El Español басылымы жазды.

Дәрігердің айтуынша, газ түзілуінің басты себебі — көмірсулардың (глюкоза, фруктоза, сахароза) ашу процесі. Егер асқорыту жүйесі дұрыс жұмыс істемесе немесе қантты шамадан тыс тұтынса, бұл заттар тоқ ішекке жетіп, онда бактериялар үшін қорек көзіне айналады. Мұндай жағдайға әсіресе сезімтал асқорыту жүйесі бар адамдар мен тітіркенген ішек синдромы (ТІС) барлар бейім келеді.

Маман атап өткендей, нан және кондитерлік өнімдер құрамында да тез ашитын көмірсулар бар және олар іштің кебуін күшейтеді. Қосылған қант та осыған ұқсас әсер етеді. Қант тек тәтті тағамдарда ғана емес, өнеркәсіптік нан, сусындар және мюсли сияқты “пайдалы” өнімдерде де кездеседі.

Росеро сондай-ақ фруктозаның сіңірілуінің бұзылуына да назар аударды. Зерттеу деректеріне сәйкес, бұл жағдай халықтың үштен бірінде байқалады. Мұндай кезде ішекте сутегі жиналып, тыныс алу тестілері арқылы анықталады және жағымсыз белгілермен бірге жүреді.

Сондай-ақ дәрігер сиыр сүтінен бас тартуды ұсынады, әсіресе егер адамның организмі лактозаны ыдырататын фермент — лактаза жетіспейтін болса. Мұндай жағдайда сүт қанты ыдырамай, ашу мен газ түзілуін күшейтеді.