Алмас Әбсейіт Алматыда бильярдтан өтіп жатқан Әлем чемпионатының қола жүлдесіне ие болды

Бүгін Алматыда бильярдтың «Қозғалмалы пирамида» түрінен Әлем чемпионатының ақтық сайысы өтіп жатыр.

Сенбі күні басталған бұл дүбірлі додада чемпиондық атақты ресейлік Александр Чепиков пен Сергей Тузов өзара сарапқа салуда.

Жартылай финалда Кемерово мен Якутск қалаларынан келген С. Тузовқа 2:6 есебімен есе жіберген қазақстандық Алмас Әбсейіт (Алматы) пен Ростовтағы Доннан келген тағы бір ресейлік Владислав Осьминин қола жүлдені қанағат тұтты.

Үздік ондыққа сондай-ақ, ресейлік Виктор Локтев (Кемерова), қырғызстандық Дастан Лепшаков (Бішкек), украиналық Евгений Новасад (Днепропетровск), қазақстандық Әлихан Қаранеев (Алматы) пен Әлібек Омаров (Қарағанды) енді. Ал 2007 жылғы тұңғыш Әлем чемпионатының жеңімпазы қырғызстандық Қаныбек Сағынбаев 42-ші, 2012 жылғы соңғы Әлем чемпионатының үздігі украиналық Ярослав Тарнавецкий 16-шы орынға табан тіреді.

ҚазАқпарат.