Ресейлік олигарх грек аралын сатып алды

Дмитрий Рыболовлев және оның қыздары гректің Скорпиос аралының иесі атанды. Олар аралды тәртіпке келтірмек, деп хабарлады Питер-Питер.ру сайты.

Оның аумағы әртүрлі қоқыстарға толған. Аралда бұрын Онасисс пен оның отбасы тұтынған көптеген заттар бар. Олар бұрын осы аралдың иесі болған. Осы "қоқыстардың" арасында екі жол талғамайтын машина бар. Оны аралдағы қызметкерлер жұмысқа пайдаланып жүр. Автомобильдер гректің  Ларисса қаласындағы шикізат өңдеу зауытына жіберілмек.

Басқа бағалы заттар, мәселен картиналар, Ұлыбританияға жіберілетін болады. Бұл шаруамен Афина Онасисс жалдаған басқарушы компания айналысуда.

Жаңа қожайындар аралға таяу арада келмекші. Сәулетшілердің үлкен тобы аралға қазірдің өзінде келіп үлгірді, олар жаңа ғимараттар салу мәселелерін қолға алады.

ҚазАқпарат.