«Отар» әскери базасында брифинг өтеді

ҚР Президенті жанындағы Орталық коммуникациялар қызметінің ресми өкілі Алтай Әбибуллаев ертең «Отар» әскери базасында ҚР Қорғаныс министрінің бірінші орынбасары – ҚР Қарулы Күштері Бас штабының бастығы генерал-полковник Сәкен Жасұзақовтың қатысуымен брифинг өткізеді.

Брифингте 7 мамыр - Отан қорғаушылар күні мерекесі құрметіне өтетін әскери шерудің дайындығы туралы сөз болады.

Аталмыш шараға қатысуға ықыласты БАҚ өкілдерін 2 мамыр күні, сағат 11:00 дейін +7 701 993 25 32 телефоны немесе adilbekovd@mail.ru электронды адресі арқылы тіркелуге шақырамыз. Отардағы әскери базаға баратын журналистерді 3 мамыр күні таңғы сағат 6.00-да Алматыдағы Республика алаңына жиналуларын сұраймыз.