Қытай телеарнасы қазақ ұлтын таныстыратын деректі фильм түсірді

Қытайдың мемлекеттік арнасы CCTV Алтай аймағына қарасты Қаба ауданында қазақ халқының салт-дәстүріне қатысты деректі фильм түсірді. Бұл туралы BAQ.KZ AA тілшісі Қытайдың Тәңіртау сайтына сілтеме жасай отырып хабарлайды.  

Қытайдың астанасы Бейжің қаласында орналасқан CCTV қызметкерлері Қаба ауданына арнайы ат басын бұрды. Олардың бұл сапарының көздегені қазақ халқының салт-дәстүрін бейнелейтін, соның ішінде құсбегілік өнері мен ағаштан түйін түйетін қолөнершілер жайлы деректі фильм түсіру болды. CCTV қазақ ұлтының өзіне ғана тән бөгенайы бөлек әдет-ғұрпы мен табиғатты бойсындыру тәсілін таныстырып қоймай, Алтай аймағының көрінісі көркем жерлерін де көрерменге ұсынбақ.

baq.kz