«Әскердегі бір күннің» әсері зор...

Астана. 29 сәуір. Baq.kz - Ертең «Жас Отан» ЖҚ Қызылорда облыстық филиалының ұйымдастыруымен Қызылорда қаласындағы ҚР ІІМ Ішкі әскерлері 5547 әскери бөлімінде «Әскердегі бір күн» атты мерекелік іс-шара өткізілмек.
Шараның басты мақсаты, жастардың бойында Қазақстан Республикасы Қарулы күштерінің, ішкі әскер қатарында әскери борыштарын өтеуге деген қызығушылықтарын ояту, болашақ әскерге шақырылатын жастардың әскер өмірімен танысуына мүмкіндік жасау арқылы жасөспірімдер бойында патриоттық сезімін арттыру және жастар арасында әскери қызметтің беделін көтеру болып отыр.
«Әскердегі бір күн» іс-шарасына жоғары және орта арнаулы оқу орындарының студенттерін, мектеп оқушыларын қатыстырып, сарбаздың әскердегі бір күнін көрсету жоспарлануда. Сарбаздың таңғы уақыттан бастап, кеш қарайғанша қандай жаттығулар мен нендей дайындықтар жасайтынын болашақ ел қорғайтын азаматтар көріп, Отанды қорғау өзінің міндеті екенін мейлінше оңай ұғындыру болмақ. Ал іс-шараға «Нұр Отан» ХДП қызметкерлері мен «Жас Отан» Жастар қанатының белсенді жастары, 5547 әскери бөлімшесінің қызметкерлері және сарбаздары, жоғары және орта арнаулы оқу орындарының студенттері, мектеп оқушылары қатысады деп күтілуде.

www.baq.kz