Тэтчерді жерлеу рәсіміне 5,5 млн доллар жұмсалған

Маргарет Тэтчерді жерлеу рәсіміне британ қазынасынан 3,6 млн фунт стерлинг (5,5 млн доллар) жұмсалды. Бұл туралы The Telegraph басылымы мәлімдеп отыр.  

500 мың фунт (765 мың доллар) жерлеу рәсіміне шақыру қағаздарын жолдауға, Қасиетті Павел соборында өткен қызметті және ресми қабылдауларды ұйымдастыруға жұмсалды. Іс шара өткен жерді қоршауға алып, қауіпсіздік шараларын күшейтуге бюджеттен 1,1 млн фунт (1,6 млн доллар) бөлінді. Тағы 2 млн фунт (3 млн доллар) құқыққорғау органдарының күшін рәсім өткен жерге  жұмылдыруға кетті.  
 

Басылымның мәліметіне қарағанда, Тэтчерді ақтық сапарға шығарып салу рәсіміне жұмсалған шығын 1965 жылы қайтыс болған Уинстон Черчиллді жерлеу шығынынан (787 мың фунт/1,2 млн доллар) бес есе асып түскен екен. 
 

Естеріңізге сала кетейік, Маргарет Тэтчер 2013 ж.сәуірдің 8-і күні 87 жасында дүниеден озды. 

Baq.kz