Жеңіс күні Мәскеуде бұлттарды ыдыратуға 40 млн. рубль жұмсалмақ

Мәскеуде Жеңіс күні бұлттарды ыдырату үшін 40 миллион рубль қажет.

Бұл туралы Мәскеу мэрінің ТКШ және абаттандыру мәселелері бойынша орынбасары Петр Бирюков мәлімдеді. Оның айтуынша, авиацияның көмегімен 9 мамыр күні таңғы 6-дан түн ортасына дейін Мәскеу аспаны ашық болады. Бұлттар 3 меже бойынша ыдыратылмақ: Мәскеуден 200, 100 және 50 шақырым аумақтарда.

Өткен жылы 9 мамыр, 12 маусым және Қала күні бұлттарды қуу үшін 192 млн. рубль бөлінсе, 2011 жылы жаратылған қаржы 150 млн. рубльді құраған.

ҚазАқпарат.