Петропавлда «Президент жолдауы – әр үйге» акциясы өтті

"Әлем" еріктілер орталығы бірлестігі Мемлекет басшысының «Қазақстан-2050 Стратегиясы: қалыптасқан мемлекеттің жаңа саяси бағыты» атты Жолдауын жүзеге асыру аясында ішкі саясат басқармасының қолдауымен «Президент жолдауы – әр үйге» акциясын өткізді.

Еріктілер «Президент жолдауы – әр үйге» акциясы аясында 400-ден аса қала тұрғынына маңызды құжатты таратқан. 

Бұл акцияның мақсаты – Қазақстан Республика Президентінің «Қазақстан-2050 Стратегиясы қалыптасқан мемлекеттің жаңа саяси бағыты» атты Жолдауын халыққа түсіндіру және оның маңыздылығын насихаттау болып табылады. 

Акцияға қатысушылар Елбасы жолдауын қолдайтындарын және алдағы жылдардағы елдің даму бағытын айқындайтын құжаттың қажеттігін айтты. 

«Президент жолдауы – әр үйге» акциясы облыстық барлық аудандарында қыркүйек айына дейін өткізіледі»,-деді акция ұйымдастырушыларының бірі Евгений Пеньков.

Bnews.kz,

12.04.2013 ж.