Алматы-Петропавл арасына жаңа жүрдек пойыз қатынайтын болды

Алматы мен Петропавл арысына 31 вагонды жаңа «Тұлпар-Тальго» жүрдек пойызы жүретін болды. Бұл туралы «Жолаушылар тасымалы» АҚ баспасөз қызметіне сілтеме жасап, Baq.kz тілшісі хабарлайды.

«Жолаушылар тасымалы» АҚ техникалық ресурсты жаңарту бағдарламасын жүзеге асыру шеңберінде № 151/152 «Алматы-2 – Петропавл бағыты бойынша 31 вагонды жаңа жүрдек пойызды пайдалануға береді», делінген хабарламада.
2013 жылдың 1 мамырынан бастап № 151/152 «Жетісу» жүрдек пойызы «Алматы-2 – Петропавл бағытында күн сайын жүретін болады.  
Жүрдек пойыз Алматыдан Петропавлға 18 сағат 45 минут уақытта жетеді, кері қарай 18 сағат 54 минут жол жүреді.