Алматыда 50 көшенің атауы өзгереді

Алматы қаласы аумағының Алматы облысы есебінен ұлғаюына байланысты қалада бірін бірі қайталайтын 165 көше пайда болған. Сонымен қоса тарихи тұрғыдан ескірген Ленин, Комсомол, Пионер, Коммунал сынды 50-ге жуық көше бар. Осы көше атаулары өзгертуді қажет етіп тұрғанын мәлімдеуде Алматы қалаласының тілдерді дамыту, мұрағаттар және құжаттама басқармасы.

Бүгінгі күні қалада 2000-ға жуық көше бар. Тәуелсіздік алған жылдары оның  158-нің  атауы өзгерген, ал 500-ге жуық көше аты жаңарған екен.

«Қазақстан Республикасының кейбір заңнамалық актілеріне ономастика мәселелері бойынша өзгерістер мен толықтырулар енгізу туралы» Заңның күшіне енуіне сәйкес сәуір айының 24-нен бастап көпшілікке  таратылатын ақпараттарда кеткен грамматикалық қателер, сонымен қатар көше атауларындағы қателіктер үшін де айыппұл алынады.

BAQ.KZ